LINGKARAN BIANG

lingkaran biang atau kolikan biang adalah mempersembahkan persemabahan di atas biang yang melingkar (biang = sejenis gelagah yang kecil) ..
Berikut beberapa kuplet doa yang diucapkan dalam "kolikan biang" :

Nalambi’mo te allo melo

Nadete’mo tekulla mapia dadi

Angku tundan tomamma’ komi Puang Matua dao tangana langi’

Angki royang tomatindo komi To KAubanan dao una’na to Palullungan

Anna Puang bassi-bassian anna Puang ambo-amboan

Deata tangana Langi’ Puang barrena allo

Kamu deata mamase kamu Puang Sa’pala buda

Lumbang petiro aluk tukku pemanta bisara mintu deata langi

Makalima’na Puang To Palullungan

Puang Matua ia sikarok londong sangdetanna

To Kaubanan ia sitintian baan mintu’ deata langi’

Makalima’na Puang to Palullungan

Tae salian rinding

Tae’ leko’na manangga banua

Pakinallo nallo komi mellolo tau

Pabokong dilamban komi to rangka’na

Pakinallo komi ta ma’puduk mundan

Pabokong dilambanan komi to ilang karumissik

Pokinallo komi pare tallu bulinna

Pobokong dilambanan komi ke’te tallu etengna

Pokinallo komi pangkung bai

Pabokong dilambanan komi buyanna manuk

Mipokinallo ilan tindo maelo

Mipobokong dilambanan mamma’ makatongan-tongan

Mipokinallo ilan mendaun sugi’

Umpobokong dilambanan menta’bi ianan mintu’ to la dipoinaa

Makalima’na to la dipaba’tang

Ammi bungkai’ ba’bana langi

Ammi killing pentiroan to palullungan

Ammi bongsoran eran manikmi

Ammi randukan kalisuan bulaanmi

Ammi ma’lalan tindok sarira

Ammi rampo lembang inde padang tuo balo’

Ammi tu’tun koli-koli inde tama tumbu kulau

Ammi ma’pangan-pangan massola nasang

Ammi ma’damerak-merak sangga mairi’

Angku tundan to sangdeatanmi inde dion maririnna litak

Angku ruyang sangkapuanganmi doing mangapina tana

Deata dibangunni banua rokko diosokki a’riri sanda pati’na

Deata patulak anan palangda karua

Parande pala’ parande taruno

Deata mamase Puang sa’pala buda

Mintu’ deata to kengko’ makalima’na Puang to kebali’bi

Puang Patulak Padang sitamba sangdeatan

Puang to kebali;bi dikorok londong sangkapuanganna

Ammi garaga sangke’deran ammi tampa sangtiangkaran

Sipodolo dolomi sipatanga tangana sipaundi-undimmi

Apa da’ommi ma’kambelang-belang da’ammi ma’bantala-tala

Pokinallo komi ianan sanda rupanna

Pobokong dilambanan komi barang apa mintu’ solanasang

Ammi pabendan eran manukmi

Ammi bille lolokna riu ammi poli’ tangke luana

Ammi sitammu sangdeatanmi ma’pangan-pangan

Ammi sirampo sangkapuanganmi ma’damerek-merek

Angku tundan sangdeatammi lan kapayan-payananna

Deata bambana te padang tuo balo’

Puang taranakna te tama tumbo kalua

Deata kisango’ keran Puang kisangi’ sungan

Deata deata kitimba bubunna kisiok menggulilingna

Deata kilelleng kayunna kele’to tananna kikalette’ utan maluna’na

Deata polo padang di kesu’

Puangan padang di beloara’

Deata na pobunga’ tongkon nene’ mendeatangki

Deata dipamulanna napanisung todolo kapuanganki

Deata malute pakoroko londong lako sangdeatanna

Puang mabangko patitian baan lako sang kapuanganna

Gangamokomi sang bendanan tampamokomi sangtiangkaran

Ammi pokinallo barang apa sanda budanna

Ammo pobokong dilambanan ianan sanda makamban

Ammi rampo lembang indete padang tuo balo’

Sitammu sangdeatanmi ma’payan-payan

Ammi sirompo sangkapuanganmi ma’damerek-damerek

..

dalam aluk todolo (agama leluhur orang toraja) ada sebuah upacara yg disebut dengan ma'biangi. Ma'biangi ini adalah membelah biang untuk mengetahui atau meramalkan baik atau jahatnya perbuatan yang telah dilakukan atau untuk meramalkan baik buruknya sesuatu hal yang akan dilakukan.
menurut kepercayaan aluk todolo sesudah tangga ke langit (eran di langi') runtuh, Tuhan menurunkan biang dari langit untuk dipakai manusia sebagai alat atau media untuk mengetahui sesuatu hal yang belum diketahui manusia. karena dengan runtuhnya eran di lang' manusia tidak dapat lagi pergi bertanya kepada Puang Matua (Tuhan)...