PANGIMBO dapat diartikan sebagai doa. Dalam pangimbo,
kita (tominaa) berbicara kepada TUHAN Sang Pencipta (Puang Matua), yang
disampaikan adalah dua hal pokok, yaitu permohonan dan pengucapan syukur.
Sebelum memohon dan bersyukur kita perlu
mengagumi siapakah TUHAN itu, yang mampu dan mau mengabulkan permohonan kita. Yang
oleh karenanya, kita wajar bersyukur kepadanya.
Contoh Pangimpo (dalam upacara Rampanan Kapa’)
‘..kurre … kurre sumanga’na langan Puang Matua do
batangna langi’.
Pole… pole.. poleparayanna langa to kaubanan do
masuangga’na to palullungan, iamo Puangna madandan maritik to kumombong sakka
saianna.
“.. tu Puang sumbu mamase, unnesung sapala buda tu Puang umpapa’ paparami tongana langi’ umbidang-bidanganni mangapina tana. Tu Puang tangdi timba olona tangdilamban tingayona, iamo Puang tontong
dipapalidanni nenne dipapalukku-lukkui.
Rampokanni ma'kurre sumanga’ lako batang
dikalemi Puang Matua, tuntukanni ma’pole paraya lako tondon tobatangmi to kaubanan belanna mangkamo mipasitammu te to sangayoka tedong marampanan kapa’,
puramo mipasikala pa'inanna te to sangbamban karambau massulean allo.
“limbongmo to ma’rapu tallang untanda tonganni
tasikmo to makaponan ao’ torro to sa’bi. Mellindomo tampa rapa’na to sitoe ta’ba
lan kepealukan, unnesung dukamu tosisaladan pebosena lembang. Laki pasangkutu’
bannemo te pakurrean sumanga’ki massolanasang.
Laki pasangboke’ amboranmo te pa’palean
parayangki sangga mairi’, ammi tarimai te pa'kurrean sumanga’ki, ammi lisupalai’
te pa’polean parayangki.
Laki patengka tedongpa te randan dipudukki laki
patume’pa karambaupa te tengka dililaki, ma’ palidan mati’ kalemi, mentuara’
lako tondon tobatangMi Puang Matua, ammi patudui lalan lan rampanan kapa’na,
mipatetei mata kalambanan lan passulean allona anna manda’ lan rampanan kapa’na,
anna sa’ti lan passulean allona anna sitammu takinan pia sirumpa’ semberan
lotong ulu, anna tontong siosso’ lan tangnga tondok, nenne’ situran lan una’na
lipu sanda kasalle, anna langan matua induk, endek banu’ karurungan na ma’ ampo
salako-lakoan anna sitammu eanan sanda makamban sisola barang apa sanda rupanna
tangdipasalian rinding anna susi todiba’gi’, tento ditaananni.
Kurre .. kurre .. kurre sumanga’na alukna
rampanan kapa’
Polo .. pole… poleparayanna sangka’na pasullean
allo
Anta masakke mairi’ ma’darinding sola nasang …
0 comments:
Post a Comment