TO PADATINDO

Posted by Unknown / Labels: / 2 comments
To Padatindo menurut Ne’ Pasang Kanan,

Pong Kalua’ lan di Randan Batu
Tumbang Datu lan di Bokko
Patana’ lan di Tambunan
Pong Songgo i Limbu lan di Limbu
Karusiak lan di Madandan
Landoak na Batara Langi’ lan di Boto’
Amba Bunga’ lan di Ma’kale
Pong Boro lan di Maruang
Patobok lan di Tokesan
Kondo Patalo lan di Lampio
Pagonggang lan di Batu Alu
Ne’ Lollo lan di Leatung
Tomorere lan di Gantaran
Palondongan lan di Simbuang
To Gandang lan di Sarapung
Pagunturan lan di Bebo’
Ne’ Tikuali’ lan di Ba’tan
Tobangkudutua lan di Malenong
Takia’ Bassi lan di Angin-Angin
Patabang Bunga’ lan di Tadongkon
Salle Karurung lan di Paniki
Kattun lan di Buntao’
Palinggi’ lan di La’bo’
Sa’bu Lompo lan di Bonoran
Ne’ Pirande lan di Tonga
Patasik lan di Pao
Ne’ Malo’ lan di Tondon
Poppata’ lan di Nanggala
Batoroi Langi’ lan di Langi’
Ne’ Patana’ lan di Kanuruan
Ne’ Banne Langi’ lan di Kadundung
Tibak Langi’ lan di Saloso
Ne’ Kalelean lan di Sarira
Banggai lan di Salu
Songgi Patalo lan di Lemo, Sarira
Arring lan di Mandetek
Lunte lan di Mareali
Rere lan di Lion
Baan Langi’ lan di Lapandan
Saa’ Rongle lan di Tondok Iring
Marimbun lan di Bungin
Panggeso lan di Tiromanda
Sando Passiu’ lan di Pasang
To Landa’ lan di Santun
Bangke Barani lan di Manggau
Parondonan lan di Ariang
Sundallak lan di Burake
Panggalo lan di Lemo Pa’buaran
Bara’ Padang lan di Gandang Batu
Pong Arruan lan di Sillanan
Pong Dian lan di Tinoring
Pong Barani lan di Marinding
Tobo’ lan di Tampo
Pong Turo lan di Pangrorean
Puang Balu lan di Tangti
Kulu-Kulu Langi’ lan di Tengen
Darra’ Matua lan di Palipu’
Saranga’ lan di Lemo, Marinding
Tanduk Pirri’ lan di Alla’
Pokkodo lan di Tagari
Kundu Bulaan lan di Mendila Sa’dan
Pangarungan lan di Tallung Lipu
Tengkoasik lan di Barana’
Ne’ Rose’ lan di Bori’
Lotong Tara lan di Deri
Allo Paa lan di Ba’lele
Pakabatunna lan di Riu
Tangkesalu lan di Buntu Tondok
To Langi’ lan di Pangala’ Tondok
Mendila Kila’ lan di Rongkong
Ne’ Darro lan di Makki
Ne’ Mese’ lan di Baruppu’
Sarungu’ lan di Pangala’
Banggai Napo lan di Napo
Usuk Sangbamban lan di To’ Tallang
Amba Bendo’ lan di Awan
Ledong lan di Bittuang
Patikkan lan di Bambalu
Gandang Langi’ lan di Mamasa
Ne’ Darre’ lan di Manipi’
Pong Rammang lan di Piongan
Tandi ri Lambun lan di Tapparan
Batotoi Langi’ lan di Malimbong
Takumpang lan di Ulusalu
Tangdirerung lan di Ulusalu
Pong Manapa’ lan di Se’seng
Tokkondo’ lan di Buakayu
Mangi’ lan di Rano
Mangapai lan di Mappa’
Pappang lan di Palesan
Batara Bau lan di Bau
Pong Bakula’ lan di Redak
Tangdierong lan di Baroko
Bonggai Rano lan di Balepe’
To Layuk lan di Simbuang
Patittingan lan di Talion
Toissangan lan di Tanete Rano
Sa’pang lan di Buakayu
Sodang lan di Ratte, Buakayu
Lapatau lan di Tombang, Mappa’
Torisomba lan di Garampa’, Mappa’
Sege’ lan di Enrekang
Mangopai lan di Simbuang
Ponni Padang lan di Makkodo, Simbuang
Balluku’ lan di Batu Tandung, Mamasa
Masanga lan di Pana’, Mamasa
Karrang Lulaan lan di Mala’bo’, Mamasa
Kumila’ lan di Lapandan

to padatindo yg disampaikan Paulus Pasang Kanan kpd Roxane W.
dicopy dari postingan Marsel D Lembang di group Facebook : tongkonan kada panito bisara

Gelong Kandeatan, Tominaa Ne' Lumbaa - Torea

Posted by Unknown / Labels: / 0 comments
(Tabe' lako mimi' kandaurena to situang tanduk Ne' Lumbaa, siman lako lolosu manikna to sitonda sulangka dao mai Riu, Torea. Angku pa langnganni tongkonan kada inde kada disedan sarong, angku parekkei panito bisara inde bisara di toke' tambane baka)Tasirere’-rere’ lendong
Tasi’pa’tallu masapi
Tasiimpa’ bale rante

Lendu’ tamamoko bassi
Kumande lannako liu
Ma’kasolang-solanganko

Tikalulunmoko bassi
Tilu’pi’moko mataran
Patondon patomaliko==============
Daomo’ tangkena gandang
mengurapakna tandilo
do ma’tondon penainna
Tondok boro toda dao
banua mapia toda
boro pangrantean toda
Kari’ la sa’timo dao
kari’ tang la sule lemmo
tang la balik bulo lemmo
Napopedampi to tumbang
napotamba’ to malangi’
burra to kandeatan
==============
Nasule kale datunna
to kuli’ ampu lembangna
urruru tampa dolona
sola to simbulayanna
Anna burinti tumende
anna langkan boro tia’
==============
Sulemo’ mendio’ gandang
membollo-bollo tandilo
melangi’ri suling bulo
Ta’pa passakkemo gandang
bua uranmo tandilo
Napopedampi to tumbang
napotamba’ to malangi’
burra to kandeatan
==============
Sumonglo’ ma’ tanduk bassi
ma’ongka-ongka mataran
ma’patondon oda-oda
Oda-oda talaomo
sudidi tatiangka’mo
sumonglo’ rokkoko moko
Laoko sambalin mai
bu’tu lamban diong mai
Tibaen-baen kutiro
tipailang kusaile
sundallak kutiro lako
Make pabu’tumi mai
make popentolinomi
make baen-baenanmi
La nakita mamma’ku
nakadang tindo bongingku
sola mamma’ karuenku
Sumonglo’mo to Sesean
layomo to Lindo Tayu
==============
Ke den to makuyu manuk
sola to makuyu langkan
Mai maimoko inde’
Dipopedampi rara’na
dipotamba’ kaisse’na
Make pabu’tumi mai
make baen-baenanmi
Ditadoi palakunna
diben lalan inaanna
Tungkalolong diara’na
lalan inayanna Puang
Pa’poraianna Deata
Tungka lolong diara’na
Napopedampi to tumbang
napotamba’ to malangi’
inde to kandeatan

by: Marsel Dua Lembang
tongkonan kada panito bisara

BADONG NASRANI

Posted by Unknown / Labels: / 0 comments

BADONG 
(kadong badong versi nasrani)

BADONG MA'PAKILALA
E..! Umbamira kombonganta ?
To mai sangsiuluranta ?
Sang siuluran lan olo mala'bi'na Puang?
Ke'de' komi anta ma'pakatana
lako rapunna to memboko'
tatannun pemala' maa
Langngan olona Puang
Lako te tosangkaponan ao'
lako te indo' ( Ambe' ) tobalu dikamase
Puang Perangi Pengkamoyaki
Puang tanding talingakan
angki pakendek pa'pudian
keumpokadaki' kamase
lako kami ma'rupa tau
Pudimi Puang
Pakala'bi'mi Puang
Pekalangka'i Sanganna Puang
Pangke'i Kamala'biranna
Belanna tae' sengan'na
Dipudi, dipangke' sangadinna Puang
Dana bata penaammu
sangadinna pamaringnganni tengkamu
Anta masakke mairi’,
Madariding sola nasang.

BADONG UMBATING
Tonna masaki ulunna,
Tiku ramman beluakna ;
Nenne’ samandu-mandunna,
Kerangan umbongi-bongi.
Samari tampak sarrona,
Te upu’ pekaindo’na ;
Ka’tu angin dipudukna,
Ronta’ tondon to batangna.
Sokan sokannamo ia,
Te dao nene’ kamali'ta ;
Sola kombonganna Puang
Unnamboran tinaranna.
Namboran salarika,
Nasio’ tang tongan dika ;
Dengka tau tang nabasa,
Tang nalulun baratai ?
La ditulakraka langi’,
La dimangairika ? ;
Sokan-sokan ia Nene’,
Tang ma’ga’ta’ to dolota.
Ke napapatui lenki’,
Ke nasanda simisa’ki’ ;
Sanda’-sanda' dilempangan,
Pangkun dipentilenduran.
Tallang turanannaki’ Puang,
Ao’ bela’-belaranna ;
Ke disaile sulei,
La dibandika menasan.
Inde dao to tungara,
Rintin to mennulu sau’ ;
Umpolo bintanna Sali,
Sirundu’ karasan tangnga'.
Sule langngan olona Puang
Suruga tungka sanganna
Tondok matontongan
Unnola tossoan Adang,
Panta’daran Tau bunga’ ;
Marampak ya lolo'
Kombongmi to palullungan.
La umbengki’ tua’ sanda,
Peada' sanda’ mairi’ ;
Anta masakke mairi’,
Madarinding sola nasang.

BADONG PASAKKE
Indemo kada mali'ki
Pango'tonan kamaseki
pa'pakilala penawa
la ullalanni katuoan ilan telino
ilan tondok kamasena Puang
ilan tondok to ditonno' bua kayu
Ganna' rekenan aluk
Sundunmo pemala'
Dipalulangngan Olona Puang
Nasaladan kada rapa’ ;
Anta masakke mairi’,
Madarinding sola nasang.

BADONG MA’PALAO
Tiromi tu tau tongan
Tu to natampa Puang
Tae’ sanglindo susinna,
Sanginto’ rupa-rupanna.
Pada ditampa bintoen tasak ;
Pada dikombang bunga’ lalan ;
Sanga maelo natampe
untannun ulelean masokan
siangkaran lan kamasusan
sipasuka' lan katanggannaran
Nalambi'mo attu petamba
Lasulemo langngan olona Puang
Umpellambi'i Tondok Matontongan
Suruga Tungka Sanganna
Dao Suruga lama'kombongan
La sangtondokan to malambu' Penawa
Sangisungan to menggaraganna ;
Ia nasang mintu’ tau,
Mairi’ sangtolinoan.

TENDENGNA TEDONG

Posted by Unknown / Labels: , , / 0 comments


TENDENGNA TEDONG
 (Ada’na Simbuang Mappak)

Mintu’ta naluang paya
Pandung dibekkurayai.

Te dokko te sau’ (dokko = rokko)
Te langngan te lako

Inde’-inde’ poko lako
Mareke’ ko solanasang

Anna masiang murangngi
Maleso lan talinganmu

Patanan poko talingan duammu
Palidan poko pili’ pa’perangimmu


Aka, inderi dao to mamma’ layan lempo sumanikna
To matindo dao pandung dianggilona


La kutendeng mo kinallo lalanna
La kusinggi’mo tedong tunuanna

La na pokinalloi lalan
La napobokong dilambanan

Langnga tondok to dolona tu
Isungan to tumampana

La kusinggi’ poko tedong
Laku tendengko kanae’
Tedong dio randan langi’
Kanae’ lelean uran

Ditambai anna sae
Diongli’ anna la rampo

Tonna rangimo petamba
Tonna sa’dingmo peongli’

Sikutana sangke’deran
Sikuan sangtiangkaran

Sadio-dionamai
Sauntangngana lalanna

Sokko’-sokko’ napadolo

Tarangga napari tangnga
Pampang urramba solana.

Anna sae inde tondok
Narampo inde Suppirang (nama kampung)

Indemo naluang paya
Pandung dibekkurayai

La kutendeng moko tedong
La kusinggi’ko eanan

La kusinggi’ sala rika
Kutendeng tang tongan dika

La kusinggi’ napatu singgi’na
La kutendeng napatu tendengna

Aginna tapo lu langngan
Ganna’na ta kendek lu rekke


Palisunna tende tedong, Kapu’ Bakana to merrapu tallang
Bulunna tinde tedong, Darun Bulanna to merrapu tallang
Matanna tinde tedong, Koton Bulaanna to merrapu tallang
Isinna tinde tedong, Bissa’ Balusunna to merrapu tallang
Atena tinde tedong, Sangeran Bulaanna to merrapu tallang
Kalungkungna tinde tedong, Suro Pindanna to merrapu tallang
Bulunna tinde tedong, Darun Bulaanna to merrapu tallang
Kutunna tinde tedong, Bu’buk Bulaanna to merrapu tallang
Lissena tinde tedong, Ba’tan Bulaanna to merrapu tallang
Kasongena tinde tedong, Pantu’tukan Bulanna to merrapu tallang
Guntu’na tinde tedong, Eran Alangna to merrapu tallang
Lentekna tinde tedong, Banua Gayangna to merrapu tallang
Buana tinde tedong, Gasing Bulaanna to merrapu tallang
Talingnganna tinde tedong, Piring-Piringna to merrapu tallang
Kale’ke’na tinde tedong, Ponto Lola’na to merrapu tallang
Perendenna tinde tedong, Perenden Eananna to merrapu tallang
Ikko’n tinde tedong, Kandaure Salombe’na to merrapu tallang
Tambukna tinde tedong, Perurre Manikna to merrapu tallang
Usukna tide tedong, La’bo’ Pinainna to merrapu tallang
Rarana tinde tedong, Kasedana to merrapu tallang
Penaanna tinde tedong, Kalimbuang Bobana to merrapu tallang
Duku’na tinde tedong, Barra’ Masukaranna to merrapu tallang
Tumabangna tinde tedong, Sepu’ Sulangna to merrapu tallang
Balulangna tinde tedong, Maa’ Maelona to merrapu tallang

Upu’mo tendengna tedong
Lolloanna tinde eanan

Anna kendek allo kendek kasugiranna to merrapu tallang
anna langngan bulan langngan parayanna to ma’kaponan ao’

Anna sa langngan-langnganna
Anna sa kendek-kendekna

Anna kendek mendaun sugi’
Anna langngan menta’bi eanan

Anta masakke mairi’
Marudinding solanasang

belajar kada-kada tominaa 1

Posted by Unknown / Labels: / 0 comments
belajar menyusun kada-kada tominaa ...
sebuah ungkapan terima kasih u/ 75 tahun iman katolik di toraja..

KURREAN SUMANGA'KU LAKO CONGREGASI CICM

MEMBUAH RARA'MO INDE' AMBARON ,
KADA MADATU - BISARA MEPASALAMA'
TARRANMO ASSELE'NA' SAURAN KADA BALO'
KADA MEPATUDUI LALAN

TONNA DOLO PA NADOLO
TONNA LINO PA NA LINO
TONNA ALLO ANGINA'
TONNA ALLO TO DIBOKO'

TONNA RAMPO LANDO GUNTU'
TONNA RAMPAN MATA BUSA
TONNA PARENTAH TOSAE
TONNA PARENTAH BALANDA

DIRANDU' KADA BUNGA'
DIGARONTO' BISARA MADATU
DIPAOMBO'MI KADA PUANG
DISEDAN TINTINGMI BISARA TOTUMAMPA

NARANDUK TUANG PATTO CICM
NAGARONTO'MI PETOE ALLUK
NADI BONGKAN-BONGKANANNI
NADISAURAN SAME LELE

INDE' ALUK MENLAO LANGI'
INDE' ALUK LOSSON DIBATARA
INDE ALUK KASARANIAN
KATOLIK PA'GANTIANAN

DIPAMULAMI ALUK MENLAOLANGI'
DIBONKONNIMI ALUK LOSSON DI BATARA
DIBATA'BATARANMI INDE SANGKA
DI INDEKANMI KAPAKALUKAN KATOLIK

DIPAMULA LAN SANGPENANIAN
DIGARONTO' LAN SANG BUKE AMBORAN
DIPAOMBO'MI LAN LILI'NA TAMPO
DISEDAN TINTING ILAN MA' KALE

DILAMBI'MO ALLO DADINNA
DIDETE'MO TANDA RANDUKNA
DIDUPPAMI ALLO MAELONA
DIPALINMI TANDA MARENDENGNA

PITUNG PULOMO LIMA TAUNNA
TALLU AMPA'MI LAN PA'TAUNAN SARATU'
MASAIMO DADINNA INDE BALO'
GANNAMO BILANGAN TAUN DADINNA

INDE KADA MEPATOU BALO'
INDE BISARA MEPASALAMA'
INDE ALUK MEPATUDUI LALAN
INDE SANGKA PENTOEN MATOTO'

TITALEKMO INDE SUKARAN ALUK
TUMALE'MO INDE' ALUK NA PUANG
MEMBA'KA MO ALUK KASARANIAN
DIKKIMO INDE TO KATOLIK

KURRE SUMANGA' LAKO CONGREGASI CICM
POLE PARAYANNA LAKO MINTU' TUANG PASTOR
YATU MANGKA UMPATALE' AMBUNNI
INDE KAPEKALUKAN KATOLIK

UNGKOLIK LALANNA CONGGREGASI CICM
LOMOKKON SULE INDE PEDULLO I LALAN
APA NAKUA KADA BALO'NA
TISEDAN PEPASAN KABORO'NA

" LAMALE MOKANNI UNTAMPE KOMI...
APA YATU TUNGKANANKI INANG LAMI PATARRU"

( " KAMI BOLEH PERGI TETAPI SEMANGAT MISI TETAP BERJALAN ")